Bømlo Teater har gleda av å kunngjera at Stig Henrik Hoff skal spela rolla som Tore Hund i Mostraspelet «I Slik ei natt»!
Hoff er ein erfaren og allsidig skodespelar med ei karriere som strekkjer seg over snart førti år i underhaldningsbransjen. Han er fembarnspappa og bestefar til tre, og har i tillegg fagbrev både som sveisar og kokk – sistnemnde frå Bagatelle i Oslo.
Gjennom karrieren har han arbeidd breitt innan film, TV-seriar og teater, frå Nationaltheatret til frie eksperimentelle teatergrupper, og frå musikal og historiske spel til programleiing.
Han har medverka i alt frå barne-TV til store TV-seriar og spelefilmar, både nasjonalt og internasjonalt – inkludert Hollywood-produksjonar og HBO-seriar. I tillegg har han gjort omfattande arbeid for Radioteatret, lese lydbøker og medverka i reklamefilmar.
Hoff har også ei tilknyting til Moster og Mostraspelet frå tidlegare. Han spelte rolla som Tangbrand i fleire år i Kristkongane på Moster.
Mange vil òg kjenna han att som Tore Hund frå HBO-serien Beforeigners.
Bømlo Teater ønskjer Hoff varmt velkomen attende til Bømlo og Moster Amfi!
I Slik ei natt vert spela 4.–6. juni 2026 i Moster Amfi!
Billettar finn du her!
