Det er ei stor glede for Bømlo Teater å kunna melda at Jonas Hoff Oftebro igjen tek på seg rolla som kong Olav Haraldsson i årets Mostraspel – I slik ei natt, med manus av Svein Tindberg og musikk av Kjetil Bjerkestrand.
Jonas Hoff Oftebro er utdanna ved KHIO (Kunsthøgskolen i Oslo) og var tilsett ved Nationaltheatret i perioden 2021-2023. Sidan ung alder har han medverka i ei rekkje filmar, mellom anna Olsenbanden Jr., Bølgen, Skjelvet og Børning.
Han har òg hatt ei rekkje sceneoppdrag, mellom anna i Lang dags ferd mot natt på Oslo Nye Teater, der han spelte saman med far Nils Ole Oftebro, mor Anette Hoff og bror Jakob Oftebro. Sidan sist han vitja Moster har han vore å sjå i filmane Blücher og Havnaa, samt i serien In the Name of Love. Han har også spelt rolla som Peter i musikalen Jesus Christ Superstar på Folketeateret.
Dette er andre gong Oftebro spelar rolla som Olav Haraldsson i I slik ei natt. Førre gong var under 1000-årsjubileet på Moster i 2024.
Bømlo Teater ser svært fram til det vidare samarbeidet og ønskjer Jonas varmt velkomen tilbake
I Slik ei natt vert spela 4.–6. juni 2026 i Moster Amfi!
Billettar finn du her!
