Dato: måndag 21. april 2026 Tid: kl. 19.00
Stad: Bømlo Folkebibliotek (Kulturhusvegen 20, 5430 Bremnes)
Styret kalla opphavleg inn til årsmøte 9. april, men på grunn av fleire samanfallande arrangement for mange av medlemene våre, har styret beslutta å setje opp ny dato for årsmøtet for å sikre breiast mogleg deltaking.
I gjeldande vedtekter heiter det at årsmøtet for driftsåret skal haldast innan utgongen av februar året etter. Styret vil gjere merksam på at Bømlo Teater i praksis ofte har halde årsmøta i mars, og enkelte gonger i april, både for å leggje til rette for god deltaking og for å ha rekneskapen ferdigstilt.
På denne bakgrunnen legg styret fram forslag til vedtektsendring på årsmøtet. Endringa gjeld § 3 – Årsmøte, der einaste endring frå førre rullering i 2019 er at årsmøtet skal haldast innan utgongen av april månad, i staden for innan utgongen av februar. Forslaget til oppdaterte vedtekter ligg ved innkallinga.
I samsvar med vedtektene vert vedtektsendringar handsama av årsmøtet og krev 2/3 fleirtal.
Agenda:
- Val av møteleiar og referent
- Godkjenning av dagsorden
- Årsmelding og rekneskap 2025
- Budsjett 2026
- Kunstnerisk plan
- Teaterhus «Sagatun»
- Val
Innmelde saker kan sendast til linda@bomloteater.no innan 07.04.2026
Etter årsmøtet vert det kaffi og drøs.
Vel møtt!
