Elsa Schröder er «Baronessa» ei rik, sofistikert bydame og venn av Georg von Trapp. Ho er enke og administrerande direktør i forretninga til den tidlegare mannen hennar. Ho ser det som «eit godt parti» å gifte seg med kapteinen, og har overtydd han om det.
Karoline Krügerer ein av Noregs mest allsidige kunstnarar –komponist, songar og skodespelar med ei imponerande karriere innan både musikk og teater. Ho har gjennom fleire tiår etablert seg som ein særs begava songar og låtskrivar, samstundes som ho har vore ein viktig del av den musikalske teaterscena.Ho har stått på scenar over heile landet og vore del av suksessrike framsyningar som «Verdensborger av Gemytt»(2006), kåra til Årets Musikkteater av Aftenposten, og den kritikarroste duoframsyninga «Da Hana møtte Henne»(2007) saman med Espen Hana. Med si sterke formidlingsevne og musikalske leikenheit har ho begeistra tusenvis av publikummarar.
I 2023 deltok ho i songprogrammet «Hver gang vi møtes», som gjorde stor suksess og viste fram hennar unike tolkingar av kjende låtar.
Karoline er også ein erfaren komponist og låtskrivar, med seks soloalbum bak seg og samarbeid med ei rekkje norske artistar. Albumet «De to stemmer»(2005), basert på lyrikken til André Bjerke, vart Spellemannsnominert og hylla av kritikarane. I tillegg har ho komponert større verk, som den kyrkjemusikalske trilogien Jakobmesse, og skrive musikk til dramatiske produksjonar som «De Hellige Tre Narrer»(NRK, 2003).
Mange hugsar også Karoline frå hennar store gjennombrot i 1988, då ho vann Melodi Grand Prix med For vår jord og tok ein sterk femteplass i Eurovision Song Contest. Ho valde likevel å gå sin eigen veg, og gjennom karrieren har ho prioritert kunstnarisk kvalitet og historieforteljing framfor kommersiell stjernestatus.
No ser me fram til å oppleve Karoline Krüger i rolla som Elsa Schrader i The Sound of Music!
