Håstein er ein av storbøndene på Moster. Han driv mykje med handel, og er ofte ute på handelsreis til dei britiske øyane og kontinentet. På desse ferdene har han kome i kontakt med den nye trua på Kvitekrist, og han har lete seg primsigna. Håstein er hovding eller «herse» på Moster. Ingen veit av at han i løynd er vorten kristen. Når kong Olav Trygvason byd folket å ta ved trua på Kvitekrist, er han den fyrste til å tala for dette. Håstein er far til Vigdis, jenta som Torolv frå Grindheim er trulova med.
Desse har spela rolla som Håstein Areson:
- Johan Kr. Nesse (1984-2008)
- Håkon Vatle (2009)
- Steinar Halleraker (2010-2015)
